Irridu nkunu l-leħen tiegħek u nittrattaw il-mistoqsija tiegħek b'urġenza. Ngħadduha lil min hu konċernat f'temp ta' ftit jiem.

Dawn huma numru ta' każi meta tista' tkellimna:

• Meta l-fakultà tiegħek ma tirrispettax il-ħinijiet tal-ftuħ tal-uffiċċji tagħha għall-istudenti
• Meta xi membru tal-istaff jew tal-fakultà ma jaġixxix professjonalment u kif jixraq
• Meta l-letturi jfallu ripetuttivament mingħajr avviż
• Meta l-kontenut u l-format tat-taqsima-studju tal-kors tiegħek ma jkunux jeżistu
• Meta l-eżamijiet ikunu qed isiru fi kmamar b'ambjent sħun/kiesaħ ħafna, storbjuż u diżordnat
• Meta fl-orarju jaħbtulek ħafna lekċers f'daqqa
• Meta r-riżultati tal-eżamijiet tiegħek ma jkunux ippubblikati
• Meta tħoss li r-riżultat ma jkunx ġustifikat u tkun tixtieq tikkontesta l-grad miksub
• F'każ ta' intimidazzjoni jew fastidju
• F'każ ta' diskriminazzjoni

Nifhmu li xi sitwazzjonijiet ikunu diffiċli għalik biex tirrapportahom wiċċ imb wiċċ magħna. Għaldaqstant minn din is-sena qed noffrulek servizz anonimu bl-internet. B'hekk tħossok aktar kunfidenti u l-identità tiegħek tkun protetta għalkollox. Jekk tippreferi li tikkuntattjana b'mod dirett, tista' dejjem iċċemplilna u tagħmel appuntament. L-indirizz elettroniku dirett tagħna hu: Dan l-indirizz elettroniku hu mħares mill-ispam. Irid ikollok il-JavaScript attivat biex tarah .

F'każijiet fejn hemm ir-regolamenti ċari u l-ilmenti jkunu bla bażi u foloz, aħna ma nieħdu l-ebda azzjoni fuq dawk l-ilmenti.

[Agħfas hawn biex tibagħtilna lment]

Ċaħda: Meta tuża s-sistema anonima tal-internet aħna ma jkollniex mod kif nikkuntattjawk u għaldaqstant ma nkunux nistgħu ngħarrfuk bil-passi li jkunu ttieħdu. Fl-istess ħin tista' tiktbilna u tagħtina indirizz elettroniku (jew mezz ieħor ta' kuntatt) fejn inkunu nistgħu nikkuntattjawk lura. L-indirizz elettroniku tagħna hu: Dan l-indirizz elettroniku hu mħares mill-ispam. Irid ikollok il-JavaScript attivat biex tarah '; document.write( '' ); document.write( addy_text5729 ); document.write( '<\/a>' ); //--> Dan l-indirizz elettroniku hu mħares mill-ispam. Irid ikollok il-JavaScript attivat biex tarah .

Agħfas hawn għal aktar tagħrif dwar il-Kampanja "Meta Tilmenta, Takkwista!"