Il-gradwazzjoni hi okkażjoni speċjali li tibqa' tgħożż u tiftakar, kemm  jekk tkun qed tiggradwa għall-ewwel darba u kemm jekk le. Barra minn hekk, għandek l-opportunità li tibqa' tiftakar xi ħaġa oħra - iċ-ċans li ssemma l-ħsibijiet tiegħek u ta' sħabek tal-kors f'diskors tal-gradwazzjoni waqt iċ-ċerimonja tagħkom.

Il-KSU hu responsabbli mill-għażla ta' persuna għal kull ċerimonja tal-gradwazzjoni tal-ewwel grad biex tagħmel diskors f'isem dawk kollha li jkunu qed jiggradwaw magħha. Biex tagħmel dan, il-Kummissjoni tal-Edukazzjoni tal-KSU taħtar bord ta' 5 studenti li jieħu ħsieb il-proċess tal-għażla.

Id-diskorsi għandhom jimxu mal-linji gwida li jistgħu jitniżżlu minn hawn. L-applikanti kollha għandhom jibagħtu 5 kopji stampati tad-diskors tagħhom fl-uffiċċju tal-KSU u jibagħtu kopja elettronika tiegħu lill- Dan l-indirizz elettroniku hu mħares mill-ispam. Irid ikollok il-JavaScript attivat biex tarah sa nofsinhar tal-1 t'Ottubru 2010.

Il-KSU jirriserva d-dritt li jippubblika kwalunkwe wieħed mid-diskorsi magħżula jew id-diskorsi kollha.