L-aħjar żewġ fatturi li jiddeskrivu tajjeb lil Mario, bla dubju ta’ xejn huma li hu ddedikat u li jaħdem ħafna. Aktarx li peress li ż-żmien tiegħu f’San Alwiġi ssarraf fil-karattru sod u determinat li għandu; żewġ karatteristiċi importanti għalih għal matul din is-sena fil-KSU bħala Uffiċjal tal-Kultura u d-Divertiment. Mario kien jagħmel parti mill-SDM.

Bħalissa qiegħed fit-tieni sena tiegħu u qed jistudja l-Liġi. Iħobb igawdi l-ħajja studenteska fil-kampus u dejjem ifittex li jinvolvi ruħu fl-attivitajiet tal-istudenti; kemm f’avvenimenti kbar bħall-Festival tal-Istudenti, kif ukoll f’oħrajn iżgħar.

Mario jixtieq li jqatta’ din is-sena jaħdem fuq diversi proġetti li qed jippjana l-KSU biex bihom iferraħ il-ħajja studenteska tal-kampus. Qiegħed dejjem hemm għal sħabu l-istudenti.