Għat-tmintax-il sena, is-Serati tal-Kampus se jirritornaw fil-kampus tal-Imsida wara sentejn imtellgħin fil-kampus tal-Belt. Din is-sena, dan il-festival tas-sajf se jiftaħ fil-25 ta’ Lulju u jagħlaq fl-10 t’Awwissu 2010.

Għalkemm il-programm għadu qed jiġi finalizzat, l-edizzjoni ta’ din is-sena se tinkludi l-elementi kollha li wieħed jistenna minn dawn is-Serati: films, mużika, żfin, arti viżiva kif ukoll serati letterarji. It-tema ġenerali magħżula għal din is-sena hi ‘Coming of Age: Self Discovery.'

Aktar tagħrif dwar is-Serati tal-Kampus 2010 jista’ jinkiseb mis-sit tal-EoC stess, mill-Facebook jew mis-sit tal-Awtorità Maltija tat-Turiżmu.